John 15
ព្រះយេស៊ូជាដើមទំពាំងបាយជូរពិត
1ខ្ញុំជាដើមទំពាំងបាយជូរដ៏ពិតហើយព្រះវរបិតារបស់ខ្ញុំជាអ្នកថែទាំ 2មែកទាំងឡាយណាដែលនៅជាប់នឹងខ្ញុំប៉ុន្តែមិនបង្កើតផលផ្លែនោះព្រះអង្គក៏កាត់ចោលរីឯមែកទាំងឡាយណាដែលបង្កើតផលផ្លែនោះព្រះអង្គក៏លួសវាដើម្បីឲ្យបង្កើតផលកាន់តែច្រើនឡើង។ 3ប៉ុន្តែអ្នករាល់គ្នាបានស្អាតរួចហើយដោយសារតែពាក្យដែលខ្ញុំបានប្រាប់អ្នករាល់គ្នា 4ដូច្នេះចូរនៅជាប់នឹងខ្ញុំចុះនោះខ្ញុំក៏នៅជាប់អ្នករាល់គ្នាដែរដ្បិតគ្មានមែកណាអាចបង្កើតផលដោយខ្លួនឯងបានទេលុះត្រាតែនៅជាប់នឹងដើមរីឯអ្នករាល់គ្នាក៏ដូច្នេះដែរលុះត្រាតែនៅជាប់នឹងខ្ញុំ 5ព្រោះខ្ញុំជាដើមទំពាំងបាយជូរឯអ្នករាល់គ្នាជាមែកអ្នកណានៅជាប់នឹងខ្ញុំហើយខ្ញុំនៅជាប់នឹងអ្នកនោះអ្នកនោះនឹងបង្កើតផលបានច្រើនព្រោះបើដាច់ចេញពីខ្ញុំនោះអ្នករាល់គ្នាមិនអាចធ្វើអ្វីបានឡើយ។ 6ដូច្នេះបើអ្នកណាមិននៅជាប់នឹងខ្ញុំអ្នកនោះប្រៀបដូចជាមែកដែលត្រូវកាត់បោះចោលហើយក្រៀមស្វិតរួចគេក៏ប្រមូលមែកទាំងនោះបោះទៅក្នុងភ្លើងហើយឆេះអស់ទៅ 7ប៉ុន្តែបើអ្នករាល់គ្នានៅជាប់នឹងខ្ញុំហើយពាក្យរបស់ខ្ញុំនៅជាប់នឹងអ្នករាល់គ្នានោះចូរសូមអ្វីៗតាមប្រាថ្នាចុះសេចក្ដីនោះនឹងបានសម្រេចដល់អ្នករាល់គ្នា 8ដ្បិតព្រះវរបិតារបស់ខ្ញុំបានតម្កើងឡើងដោយសារតែសេចក្ដីនេះឯងគឺឲ្យអ្នករាល់គ្នាបង្កើតផលបានច្រើនយ៉ាងនោះអ្នករាល់គ្នាជាសិស្សរបស់ខ្ញុំមែន។ការបង្ហាញសេចក្ដីស្រលាញ់ដូចជាព្រះគ្រិស្ដ
9ព្រះវរបិតាបានស្រលាញ់ខ្ញុំយ៉ាងណាខ្ញុំក៏ស្រលាញ់អ្នករាល់គ្នាយ៉ាងនោះដែរដូច្នេះចូរនៅជាប់ក្នុងសេចក្ដីស្រលាញ់របស់ខ្ញុំចុះ 10បើអ្នករាល់គ្នាកាន់តាមបញ្ញត្ដិរបស់ខ្ញុំនោះអ្នករាល់គ្នានឹងនៅជាប់ក្នុងសេចក្ដីស្រលាញ់របស់ខ្ញុំដូចដែលខ្ញុំបានកាន់តាមបញ្ញត្ដិព្រះវរបិតារបស់ខ្ញុំហើយនៅជាប់ក្នុងសេចក្ដីស្រលាញ់របស់ព្រះអង្គដែរ។ 11ខ្ញុំបានប្រាប់អ្នករាល់គ្នាអំពីសេចក្ដីទាំងនេះហើយដើម្បីឲ្យអំណររបស់ខ្ញុំមានដល់អ្នករាល់គ្នាហើយឲ្យអំណររបស់អ្នករាល់គ្នាបានពេញបរិបូរ។ 12នេះជាបញ្ញត្ដិរបស់ខ្ញុំគឺឲ្យអ្នករាល់គ្នាស្រលាញ់គ្នាទៅវិញទៅមកដូចជាខ្ញុំស្រលាញ់អ្នករាល់គ្នាដែរ 13ដ្បិតមនុស្សម្នាក់លះបង់ជីវិតដើម្បីមិត្តសម្លាញ់របស់ខ្លួននោះគ្មានសេចក្ដីស្រឡាញ់ណាធំជាងសេចក្ដីស្រលាញ់នេះទៀតឡើយ។ 14ដូច្នេះបើអ្នករាល់គ្នាធ្វើតាមសេចក្ដីដែលខ្ញុំបង្គាប់អ្នករាល់គ្នានោះអ្នករាល់គ្នាជាមិត្តសម្លាញ់របស់ខ្ញុំ។ 15ខ្ញុំមិនហៅអ្នករាល់គ្នាថាបាវបម្រើទៀតទេព្រោះបាវបម្រើមិនដឹងថាចៅហ្វាយរបស់ខ្លួនធ្វើអ្វីឡើយផ្ទុយទៅវិញខ្ញុំហៅអ្នករាល់គ្នាថាមិត្តសម្លាញ់ព្រោះខ្ញុំបានឲ្យអ្នករាល់គ្នាដឹងអំពីអ្វីៗដែលខ្ញុំបានឮពីព្រះវរបិតារបស់ខ្ញុំ 16ដ្បិតមិនមែនអ្នករាល់គ្នាជ្រើសរើសខ្ញុំទេគឺខ្ញុំបានជ្រើសរើសអ្នករាល់គ្នាព្រមទាំងតាំងអ្នករាល់គ្នាឲ្យចេញទៅបង្កើតផលហើយឲ្យផលរបស់អ្នករាល់គ្នាបាននៅស្ថិតស្ថេរដូច្នេះហើយអ្វីក៏ដោយដែលអ្នករាល់គ្នាសុំព្រះវរបិតាដោយនូវឈ្មោះរបស់ខ្ញុំនោះព្រះអង្គនឹងប្រទានឲ្យអ្នករាល់គ្នាមិនខាន។ 17ដូច្នេះនេះជាសេចក្ដីដែលខ្ញុំបង្គាប់អ្នករាល់គ្នាគឺឲ្យអ្នករាល់គ្នាស្រលាញ់គ្នាទៅវិញទៅមក។លោកិយស្អប់ព្រះយេស៊ូ
18បើលោកិយស្អប់អ្នករាល់គ្នានោះចូរដឹងថាមុនអ្នករាល់គ្នាគេបានស្អប់ខ្ញុំរួចហើយ 19បើអ្នករាល់គ្នាជារបស់លោកិយនោះលោកិយនឹងស្រលាញ់អ្នករាល់គ្នាប៉ុន្ដែព្រោះតែខ្ញុំបានជ្រើសរើសអ្នករាល់គ្នាចេញពីលោកិយនោះអ្នករាល់គ្នាមិនមែនជារបស់លោកិយទៀតទេហេតុនេះហើយបានជាលោកិយស្អប់អ្នករាល់គ្នា 20ប៉ុន្តែចូរនឹកចាំពីពាក្យដែលខ្ញុំបានប្រាប់អ្នករាល់គ្នាថាបាវបម្រើមិនដែលធំជាងចៅហ្វាយរបស់ខ្លួនទេបើគេបានបៀតបៀនខ្ញុំទៅហើយនោះគេមុខជាបៀតបៀនអ្នករាល់គ្នាដែរបើគេកាន់តាមពាក្យរបស់ខ្ញុំនោះគេមុខជាកាន់តាមពាក្យរបស់អ្នករាល់គ្នាដែរ 21ប៉ុន្តែដោយព្រោះឈ្មោះរបស់ខ្ញុំគេមុខជាធ្វើការទាំងនេះដាក់អ្នករាល់គ្នាព្រោះគេមិនស្គាល់ព្រះអង្គដែលចាត់ខ្ញុំឲ្យមកទេ។ 22បើខ្ញុំមិនបានមកហើយប្រាប់ពួកគេនោះពួកគេគ្មានបាបទេប៉ុន្តែឥឡូវនេះពួកគេគ្មានសេចក្ដីដោះសារឲ្យរួចពីបាបរបស់ពួកគេឡើយ 23អ្នកណាស្អប់ខ្ញុំអ្នកនោះក៏ស្អប់ព្រះវរបិតារបស់ខ្ញុំដែរ 24បើខ្ញុំមិនបានធ្វើកិច្ចការដែលគ្មានអ្នកណាម្នាក់ផ្សេងទៀតធ្លាប់ធ្វើក្នុងចំណោមពួកគេទេនោះពួកគេគ្មានបាបឡើយប៉ុន្តែឥឡូវនេះពួកគេបានឃើញហើយហើយពួកគេស្អប់ទាំងខ្ញុំនិងព្រះវរបិតារបស់ខ្ញុំទៀត។ 25នេះដើម្បីឲ្យសម្រេចតាមសេចក្ដីដែលបានចែងទុកក្នុងគម្ពីរវិន័យរបស់ពួកគេថាគេបានស្អប់ខ្ញុំដោយគ្មានហេតុផល 26ប៉ុន្ដែនៅពេលអ្នកជំនួយមកដល់ជាអ្នកដែលខ្ញុំនឹងចាត់ពីព្រះវរបិតាឲ្យមកឯអ្នករាល់គ្នាគឺជាព្រះវិញ្ញាណនៃសេចក្ដីពិតដែលចេញពីព្រះវរបិតាមកព្រះអង្គនឹងធ្វើបន្ទាល់អំពីខ្ញុំ 27ហើយអ្នករាល់គ្នាក៏ធ្វើបន្ទាល់ដែរព្រោះអ្នករាល់គ្នាបាននៅជាមួយខ្ញុំតាំងពីដំបូងមក។
Copyright information for
KhmKCB